Dosja “Partizani”, Shtyhet seanca për Jamarbër Malltezin, ja kur do të mbahet

Shtyhet seanca gjyqësore edhe për dhëndrin e ish-kryeministrit Sali Berisha, Jamarbër Malltezi.

ABC News mëson se seanca do të mbahet më datë 8 mars.

Sipas SPAK, Malltezi për të kryer korrupsion akuzohet se ka bashkëpunuar me një nga pushtetarët më të lartë të kohës, e konkretisht ish-kryeministrin Sali Berisha duke cenuar në këtë mënyrë themelet e shoqërisë madje duke e shtrirë korrupsionin edhe në vetë strukturat më të larta shtetërore.

Malltezi u arrestua në tetor të 2023, për aferën e privatizimit të ish-kompleksit “Partizani” dhe pas një muaj qëndrimi në qeli u lirua nga gjyqtarja e Apelit, Iliriana Olldashi që caktoi masën e “arrestit shtëpiak”.