Festat e fundvitit/ Shqiptarët kthehen për të festuar me familjet e tyre, fluks në pikën kufitare të Kapshticës

Festat e fundvitit kanë rritur ndjeshëm numrin e shqiptarëve që rikthehen në vendlindjen e tyre për të kaluar ditët e festave.

Sipas informacioneve nga policia kufitare mësohet se gjatë 24-orëve të fundit në pikën kufitare të Kapshticës kanë hyrë 3243 shtetas, ndërsa 1686 janë regjistruar në dalje.

Pala shqiptare për të përballuar fluksin ka rritur numrin e sporteleve duke i alternuar më pas në varësi të situatës.

Ndërkohë ajo që bëhet e ditur nga autoritet doganore është se fluksi më i lartë pritet të regjistrohet në fundjavë, në vigjilje të Krishtlindjeve.