Aksident i rëndë në Elbasan, vdes 58-vjeçarja

Gjatë natës në autostradën Elbasan-Tiranë, ka ndodhur një aksident me pasojë vdekjen e një 58-vjeçareje dhe lëndimin e tre të tjerëve.

Autoritetet thonë se në aksident janë përfshirë dy makina, ndërsa shkak është bërë një 60-vjeçar, i cili sipas hetimeve paraprake rezulton se drejtonte mjetin në efektin e pijeve alkoolike.

Të gjithë ta lënduarit po udhëtonin në automjetin, i cili u përplasur nga shoferi i alkoolizuar.

Pas aksidentit shoferi është arrestuar dhe po merret në pyetje për zbardhjen e rrethanave.