U hodh nga ura për t’u larë në lumin Vjosa, lëndohet turistja

Një turiste franceze është dëmtuar teksa ka tentuar të hidhej nga “Ura e fshatit Petran” për t’u larë në Vjosë.

N.S., 37 vjeçe, ndodhet në Spitalin e Traumës, aty ku vijon të marrë asistencë mjekësore.

Njoftimi i policisë:

-Pasditen e djeshme, në vendin e quajtur “Ura e fshatit Petran”, teksa po hidhej për t’u larë në lumin Vjosa, është dëmtuar aksidentalisht, shtetasja franceze N. S., 37 vjeçe, e cila vijon të marrë asistencë mjekësore, në Spitalin e Traumës.