U kap në fermë kanabisi, shqiptari del para gjykatës: Duhet të mbledh paratë për ata që më sollën këtu, më kanë kërcënuar me vajzën

Një fermë kanabisi me më shumë se 350 bimë, u zbulua në një shtëpi në Cardiff në Britaninë e Madhe me një vlerë deri në 140,000 £.

Në pranga u vu Arjan Bilani, 57-vjeç, i cili u zbulua nga policia duke punuar si kopshtar fermën e kanabisit.

Kur u mor në pyetje nga policia, Bilani tha se kishte mbërritur në Mbretërinë e Bashkuar ilegalisht nga Shqipëria një vit përpara arrestimit të tij dhe kishte grumbulluar një borxh prej 25,000 £ për ata që e sollën në vend.

Ai pretendoi se ishte kërcënuar të punonte në fermën e kanabisit, ose vajza e tij në Shqipëri do të dëmtohej.

Bilani më vonë u deklarua fajtor për prodhimin e kanabisit.

Gjykata tha se ai nuk kishte precedent të mëparshëm kriminal.

Avokati i shqiptarit tha se klienti i tij donte të kthehej në shtëpi.

Në përfundim Bilani u dënua me 8 muaj burg.