Studentët e mjekësisë në protestë: Anuloni projekt-ligjin ose do bojkotojmë vitin

Qindra studentë të mjekësisë protestuan këtë javë para Universitetit të Mjekësisë, si dhe para Kuvendit, ku ata kërkuan anulimin e projekt-ligjit, që i detyron ata të punojnë në Shqipëri 5 vite pas përfundimit të studimeve.

Ata duhet të nënshkruajnë një marrëveshje, sipas të cilës, do ta tërheqin diplomën e studimeve pas një punësimi 5-vjeçar në sistemin shëndetësor shqiptar.

Studentët deklaruan gjatë protestës, që nëse nisma nuk anulohet, ata do të bojkotojnë vitin akademik.