Historia e trishtë e 82-vjeçares, që jeton në skamje dhe kujdeset për djalin e sëmurë

Antigoni Thanasi, 82-vjeç, jeton mes skamjes e varfërisë, me frikën se një ditë shtëpia mund t’i shembet mbi kokë, e gjejmë duke pastruar, atë që as banesë nuk mund të quhet më, por që është e vetmja strehë e saj, në fshatin Sheqisht të Patosit…

Varfëria nuk e vetmja sfidë me të cilën, të moshuarën jeta e përball çdo ditë.

Kujdesi për të birin e sëmurë, me probleme të shëndetit mendor, i shtruar disa herë në spitalin psikiatrik të Vlorës, është po ashtu e përditshmja e saj.

Pagesa e invaliditetit për 42 vjecarin Piro Thanasi, është i vetmi burim financiar me të cilin mbajnë frymën gjallë.

Antigoni, apelon që shteti të kthejë sytë nga ta dhe të ndihmojë një nënë që jeton mes skamjes me djalin e sëmurë.

E moshuara 82-vjecare ka edhe 2 vajza, të cilat jetojnë larg dhe sipas saj, në pamundësi për ta ndihmuar….