Shitet me vlerën 8200 euro skulptura e përgatitur nga banorët, paratë shkojnë për familjen e të ndjerit Pal Kola

Deamishel në bashkëpunim me banorët e tjerë, përgatitën një skulpturë për ta shitur në emisionin “Artkand”, në mënyrë që paratë të shkonin për familjen e Pal Kolës, të ndjerit që humbi jetën në orët e para të mëngjesit të 27 marsit në godinën e Top Channel.

Vepra u ble me shumën 8 mijë e 200 euro nga biznesmeni Bujar Zhuri.

Zoti Zhuri, falenderoi të gjithë ekipin e banorëve për skulpturën e realizuar.

Ai shprehu ngushëllimet për familjen e Pal Kolës dhe uroi të gjithë shqiptarët kudo ku ndodhen “Gëzuar Pashkën”.

Deamishel u përlot nga lajmi i mirë i shitjes së skulpturës.