Këngëtarja Era Rusi tregon banorin e preferuar dhe pyetjen “e frikshme” që i bëjnë për Oltën: Po bëhet e tepërt

Ngjashmëria që ka me konkurrenten e “Big Brother VIP”, Olta Gixharin, duket se e ka bezdisur këngëtaren Era Rusi. E ftuar në “S’e Luan Topi” me moderatoren Erjona Rusi, artistja thotë se shpesh e ngatërrojnë me Oltën.

Madje, tashmë që Olta është pjesë e “reality show-t”, Erën e pyesin kur dole:

“Më thonë kur dole. U them nuk jam unë, ajo është akoma brenda. Nuk më vjen as inat, as mirë, por bëhet e tepërt. Më thonë ngjan shumë me atë këngëtaren, unë u them jam aktorja”.

Teksa komenton “Big Brother VIP 2”, Era tregon se kush është konkurrenti i saj i preferuar.

“Unë për mbretin, për Luizin, na e ka marrë zemrën. Është lojtar”, thotë Era.