Një tjetër shpresë, 10-vjeçarja shpëtohet nga rrënojat e tërmetit në Turqi pas 147 orësh

Një vajzë 10-vjeçare, u shpëtua nga rrënojat në provincën Hatay të Turqisë jugore, 147 orë pasi tërmeti shkatërrues i së hënës goditi rajonin.

Videoja e shpërndarë nga bashkia e Stambollit tregon ekipet e kërkim-shpëtimit, duke nxjerrë vajzën e quajtur Cudi nga rrënojat dhe duke e transportuar me barelë.

“Cudi është e dashura jonë”, dëgjohet duke thënë një person në video, së bashku me “Haleluja!”

Një tjetër i mbijetuar, një burrë 35-vjeçar i identifikuar si Mustafa Sarıgül, u shpëtua nga rrënojat e një pallati gjashtëkatësh në të njëjtën provincë këtë të dielë.

Numri i viktimave në Turqi dhe Siri, ka arritur në të paktën 28,192, me 24,617 vetëm në Turqi.