“Në PS po i “hanë kokat” njëri-tjetrit”, Sali Berisha tregon si qëndron e vërteta dhe zbardh një tjetër variant për arrestimet në Ministrinë e Financave

Kreu i PD-së, Sali Berisha, ka konfirmuar sot për arrestimet e zyrtarëve në Ministrinë e Financave, ka edhe një variant tjetër, përveçse atij që ka dalë zyrtarë.

Sipas Berishës, në treg është edhe një skandal tjetër, për të cilin ka dy variante dhe PD po e ndjek.

“Sipas njërit variant, Ministria e Financave dhe Sekretari i Përgjithshëm i saj ka paguar dy herë të njëjtin objekt.

Sipas një varianti tjetër, kjo nuk është e vërtetë. Ai ka zbatuar një vendim gjykate dhe kjo është hakmarrje mes zyrtarësh në nivele të dyta.

Nëse është varianti i parë, është një krim i shëmtuar. Nëse është varianti i dytë, përbën përsëri një krim shumë të rëndë.

Sepse organizohen kurthe që nuk i shërbejnë luftës kundër korrupsionit, por të kundërtës.

Sapo të bëjmë verifikimet, do kemi qëndrimin përfundimtar”, është shprehur Berisha.