Richard Grenell bëhet avokat i Serbisë: Kurti po bën kërdinë, SHBA të jenë më të ashpra ndaj tij

Ish-i dërguari i SHBA-së për dialogun ndërmjet Beogradit dhe Prishtinës, Richard Grenell, ka bërë të ditur se kryeministri Albin Kurti, po krijon kaos në veri të Republikës së Kosovës.

Ai madje i bëri thirrje Departamentit Amerikan të Shtetit, që të bëhet më i ashpër me të.

“Kryeministri i Kosovës Albin Kurti po krijon në mënyrë të njëanshme kaos në veri dhe po përpiqet qartë të largojë vëmendjen e popullit të Kosovës nga politika e tij katastrofike ekonomike”, ka shkruar Grenell në Twitter.