Tifozët po ngrijnë në stadiumet në Katar

Në Botërorin 2022, që zhvillohet në Katar, tifozët ankohen për temperaturën në stadiume.

Kanali Telegram “First Sport” raporton se tifozët e futbollit që ndoqën dy ndeshjet e para të Kupës së Botës flasin se sa ftohtë është për ta në stadium.

Fakti është se të gjitha arenat kanë sisteme shumë të forta ftohjeje. Pasi shkojnë në ndeshje, tifozët ankohen se nuk ndihen rehat në stadium, pasi vijnë nga rruga, ku temperatura i kalon 30 gradë Celsius, ndaj duhet të veshin xhup.

Kujtojmë se në Botëror tashmë janë zhvilluar dy ndeshje: Katar-Ekuador (0:2) dhe Angli-Iran (6:2). /abcnews.al/