Ish-presidenti Meta: Ne nuk duam që ky vend të braktiset, Shqipëria u përket të rinjve dhe ne do ta bëjmë këtë realitet

Vetëm disa orë para protestës së thirrur nga opozita, kreu i partisë së Lirisë Ilir Meta, ka shpërndarë një video që daton në vitin 2017 në të cilën shprehet se ‘Ebola e Shqipërisë është Rilindja’, të cilën e konsideronte si një sëmundje të tmerrshme.

Meta shkroi se ky mesazh është më aktual se kurrë, ndërsa shtoi se “nuk duam që ky vend të braktiset”, pasi sipas tij “çdo fëmijë që ikën nga Shqipëria le një brengë në familje” dhe se Shqipëria u përket të rinjve dhe ne do ta bëjmë këtë realitet”.

Reagimi i Ilir Metës:

“Ky mesazh i dhënë në vitin 2017 është sot me aktual se kurrë. Ne nuk duam që ky vend të braktiset, pasi çdo fëmijë që ikën nga Shqipëria le një brengë në familje. Shqipëria u përket të rinjve dhe ne do ta bëjmë këtë realitet!”, shkruan ai.