Harta territoriale, PS merr vendimin për propozimin e demokratëve: Ja sa bashki do ketë në zgjedhje

Mazhoranca i preu shpresat demokratëve të cilët duan ndryshimin e hartës territoriale para zgjedhjeve të pranverës.

Pak orë para seancës plenare Taulant Balla lajmëroi vendimin e grupit socialist që njësitë vendore nuk do preken. Socialistet lanë një shteg hapur që reforma territoriale mund të rishikohet pas zgjedhjeve lokale.

Reforma territoriale ishte si pasojë e marrëveshjes politike të Edi Ramës me Lulzim Bashën për zgjatjen e mandatit të organeve të vettingut, por pakti në fund dështoi pasi dëshira e demokrateve për shtimin e hartës me 33 bashki të reja në fund nuk u plotësua.