Përfundon takimi me Begajn, reagon menjëherë Fatmir Mediu dhe zbardh çfarë u vendos: Kjo është data që propozuam për zgjedhjet lokale

Kreu i Partisë Republikane, Fatmir Mediu, foli pas takimit të krerëve të partive politike me presidentin Bajram Begaj pak më parë më Presidencë.

Mediu tha se partitë e opozitës si aleancë i propozuan kreut të shtetit datën 14 maj për zgjedhjet lokale. Ai u shpreh se kjo datë ishte vullneti i përbashkët i partive të opozitës për disa arsye.

“Propozuam datën 14 maj për zgjedhjet lokale. Menduam se data 14 që është data fundore, është datë më e mirë, duke pasur parasysh që reformat territoriale dhe zgjedhore që kërkojnë kohë për implementimin e tyre”, tha Mediu para kamerave.