Ish-presidenti Meta i drejtohet Ramës pas aksionit te “Prestige Resort”: Po bëhemi gazi i botës në mediat e huaja, boll e nxive imazhin e Shqipërisë dhe shkatërrove turizmin shqiptar

Kreu i Partisë së Lirisë Ilir Meta, ka reaguar për aksionin që vijon prej dy ditësh te “Prestige Resort”, teksa ka shpërndarë lajmet e mediave polake për atë që po ndodh, Meta shkruan se po bëhemi gazi i botës në mediat e huaja për shkak të pushtetit të korruptuar dhe të inkriminuar të Edi Ramës.

Ai i bën thirrje Ramës,  të ndalojë së nxiri imazhin e Shqipërisë dhe shkatërruar turizmin shqiptar.

“Në vend të promovojmë vlerat më të mira dhe atraktive të turizmit shqiptar, që këtë vit lëngoi më shumë se kurrë për shkak të mosmbështetjes nga Qeveria, po bëhemi gazi i botës në mediat e huaja për shkak të pushtetit të korruptuar dhe të inkriminuar të Edi Ramës, që në kulmin e sezonit turistik çon rruspat e antiligjit në një nga investimet më dinjitoze në Adriatik. Boll e nxive imazhin e Shqipërisë dhe shkatërrove turizmin shqiptar!”, shkruan Meta.