Gjermania miraton pagën minimale prej 12 eurosh në orë, në vendin tonë shumë njerëz aq i marrin në ditë

Gjermani vendi i ëndrrave për një jetë më të mirë. Duke filluar nga 1 tetori, miliona punonjës në Gjermani do të kenë të drejtën për një pagë minimale prej 12 eurosh në orë.

Ligji u miratua sot nga Bundesrat, Senati federal gjerman dhe Dhoma e Lartë e Parlamentit, ndërsa më 3 qershor ishte miratuar Parlamenti gjerman.

Kjo është një nga masat kyçe të programit të qeverisë, e synuar nga socialdemokratët e kancelarit Olaf Scholz.

Ky vendimi do të çojë në një përmirësim të pagave për gati 6.2 milionë punonjës nga një popullsi aktive prej 45.2 milionë personash.