Fifi merr vendimin drastik në minutat e fundit, banorët nuk përmbahen, shpërthejnë në lot

Ditën e martë, gjatë emisionit Live në “Big Brother VIP”, gjendja shëndetësore e Fifit ishte e rënduar. Pas opinionit të Balinës, këngëtarja u shtri pa ndjenja në tokë dhe më pas shprehu se donte të largohej nga shtëpia, por produksioni u sigurua ta qetësojë, por duket se vendimi i saj nuk ka ndryshuar.

Në këto momente ajo ka dalë para banorëve dhe ka treguar se ka marrë vendimin përfundimtarë për të lënë këtu “Big Brother VIP”.

Fifi iu ka komunikuar edhe arsyen e vendimit:

“Dua t’ju informoj se unë duhet të lë sot shtëpinë. Kjo eksperiencë nuk po më bën mirë dhe për këtë duhet të merrem pak me veten. Duhet të kujdesem për veten dhe nuk mund të vazhdoj më. Nuk po marr dot frymë këtu brenda”,- tha ajo.

Menjëherë pas këtij lajmi, banorët e përlotur nisën të përshendeten me këngëtaren.

“Jam banore shumë e fortë, ta dini që po jua bëj lojën më të lehtë meqe po iki”,– shtoi ajo.