Spartak Ngjela nxjerr prapaskenat për çështjen e rëndësishme politike dhe ngre alarmin

Avokat Spartak Ngjela është i mendimit se nisma ‘Open Balkan’ që mbështetet nga Rama dhe Vuçiç, e dëmton Kosovën.

Duke komentuar samitin e djeshëm në Beograd, Ngjela tha se kryeministri Rama dhe presidenti serb, dukeshin sikur i kishin rrahur.

Ngjela tha se “Ballkani i Hapur” u mbështet nga i dërguari i Trump, Richard Grenell, por tashmë administrata amerikane ka tjetër qëndrim.

“I patë sjellet e Vuçiçit dhe Ramës, sikur i kishin rrahur. Tani nuk kemi fakte, por dimë që Trump e ka iniciuar. Më shumë Grenell, por ky është i lidhur me Moskën. E kam hallin tek Kosova.

Sa i përket Ramës, çfarë i duhet të futet në këtë lojë. Vuçiç dhe Rama ishin shumë të rënë. OPEN BALKAN nuk i bën dëm Shqipërisë, por Kosovës po. Qofsha i gabuar”, tha Ngjela.

Avokati u shpreh se Kosova ka mbështetjen e SHBA dhe nuk e shqetëson kërcënimi rus dhe serb.

“Rama kalon në turbulli mendore kur flet për Kosovën. Nuk futet Kosova aty, kot lodhen. Tashmë Amerika nuk është në këtë rezonancë. Nuk ka se çfarë t’i bëjë Vuçiçi Kosovës, me disa rusë. Kosova ka Amerikën.

Rama duhet të krijojë aleancë ushtarake mes Shqipërisë dhe Kosovës dhe treg të përbashkët mes shqiptarëve, shkon dhe kërkon treg të përbashkët në Serbi”, tha Ngjela.