Fjalor fyes nga tifogrupi i Tiranës, klubi i Vllaznisë mbyll tribunat për “Fanatics”

Me anë të një komunikate për shtyp, klubi shkodran ka sqaruar opinionin publik se ka vërejtur në grupin e tifozëve kryeqytetas “Tirona Fanatics” se kanë shkruar fjalor fyes në profilin e tyre zyrtar, që nxit dhunë dhe në kundërshtim me parimet në futboll.

Klubi i Vllaznisë ka njoftuar FSHF-në për marrjen e masave të menjëhershme, si dhe ka vënë në dijeni klubin e Tiranës, por fjalët fyese ende qëndrojnë në faqen e “Tirona Fanatics”, ndaj për këtë tifogrup janë mbyllur tribunat e caktuara për ndeshjen e sotme.