Nis seanca e Komisionit për zgjedhjet e 25 prillit, Salianji ka një kërkesë: Përpjekja e PS-së për të penguar punën është e pritshme

Deputeti i PD-së Ervin Salianji, në mbledhjen e sotme të Komisionit Hetimor për zgjedhjet e 25 prillit, tha se Partia Socialiste po tenton që të ngadalësojë procesin, një përpjekje kjo sipas tij që është e pritshme.

Më tej Salianji kërkoi që media të jetë e pranishme në këtë Komision pasi është një çështje që prek gjithë opinionin publik.

Deklarata e Salianjit:

“Përpjekja e PS-së për të penguar punën është e pritshme, padiskutim që tregon para opinionit që është shqetësim për ta. Por Komisioni është një çështje sensitive dhe duhet ecur me shpejtësi. Kisha edhe një kërkesë, media të jetë e pranishme gjatë gjithë kohës, pasi Covid nuk është çështje që futet me minuta”, tha Salianji.