Kadilli me deklaratë të jashtëzakonshme pas përfundimit të mbledhjes së Kryesisë së PD-së, zbardh çfarë ndodhi dhe ka një paralajmërim të fortë

Anëtari i Kryesisë së PD, Fatbardh Kadilli ka dalë me një reagim për mediat menjëherë pasi përfundoi mbledhja e Kryesisë.

Kadilli thotë se shpreson që ndryshimet në Statut të bëhen realitet që më 17 korrik në Kuvendin Kombëtar, por për të PD ka nevojë për ndryshim rrënjësor.

Sipas tij, nuk mungon gatishmëria për ringritje dhe momentet e vështira duhen parë si momente shprese e ndryshimi.

“Për çdo kauzë që vjen, për ti kthyer në mekanizma që ftojnë iniciativa jashtë partiake, dhe përcaktimin e kauzave.

Rishikimi i Kodit Zgjedhor, Kushtetutës, ndarjes territorial administrative, Reformës në Drejtësi. Komunikimin me Kryesinë dhe strukturat.

Shpresoj që ndryshimet statutore të bëhen realitet që në Kuvendin Kombëtar. Do të duhet një frymë, ndryshim mendësie, ndryshimi rrënjësor nuk është vetëm ndryshim në statut.

Është një legjislaturë që fillon pavarësisht të Kryesisë së PD. Do të jemi një forcë politike në institucion. Këto janë sfida të mëdha politike që duhet të impenjohet gjithë forca jonë. Ekziston gatishmëria për të ringritur. Momentet e vështira duhen parë si momente shprese dhe ndryshimi. Shpresoj në ndryshime të thella.”– tha Kadilli.