Forcon imunitetin, mbron zemrën, lëkurën dhe lufton konstipacionin, pini një gotë nga ky lëng në mëngjes dhe do të befasoheni nga përfitimet shëndetësore

Përfitimet që vijnë nga konsumi i lëngut të domates i atribuohen vitaminave dhe minerale që ofron vetë domatja. Nga të gjithë ushqyesit që ofron ajo, mund të veçojmë likopenin, një antioksidant i fuqishëm që parandalon një sërë sëmundjesh.

AgroWeb.org ju liston më poshtë të gjitha vlerat dhe përfitimet nga konsumimi i lëngut të domates herët në mëngjes.

Përse Duhet Nisur Dita Me Lëng Domateje?

Antioksidantët:

Domatet ndihmojnë në pastrimin e trupit nga toksinat dhe lëngjet e akumuluara në trup të cilat ju bëjnë të ndiheni të lodhur e të rënduar. Ato aktivizojnë metabolizmin dhe ju ndihmojnë të eliminoni yndyrnat. Nëse e pini lëngun e domatesh rregullisht në mëngjes bashkë me një vakt të shëndetshëm do të jeni më të shëndetshëm.

Kundër konstipacionit:

Një nga mënyrat më të mira për të luftuar konstipacionin është të nisni ditën me lëngun e domates që stimulon sistemin tretës. Domatet janë të pasura me fibër dhe nëse lëngun e tyre e konsumoni rregullisht do të zgjidhni problemin e konstipacionit.

Për shëndetin e zemrës:

Enzimat dhe mineralet tek domatet ndihmojnë në uljen e kolesterolit të keq dhe të pastrojnë qarkullimin e gjakut. Në këtë mënyrë ato parandalojnë mpiksjen e gjakut. Lëngu i domates është efikas edhe për diabetikët sepse mban nën kontroll sheqerin në gjak.

Sistemi imunitar:

Lëngu i domates duhet pirë rregllisht në mëngjes për të forcuar sistemin imunitar. Domatet janë të pasura me vitaminat C, A B, D dhe K. Ato përmbajnë gjithashtu antioksidantë, kalium, kalçium, fosfor, hekur dhe sodium. Kjo e bën këtë lëng ideal për sistemin tuaj mbrojtës.

Për lëkurën:

Lëngu i domates është sinonim i një lëkure të bukur, të pastër dhe rinore. Antioksidantët tek domatja largojnë papastërtitë dhe e ushqejnë lëkurën duke i dhënë asaj freski dhe rini.

Kundër dhimbjeve të artritit:

Lëngu i domates është aq i pasur me vitamina dhe minerale sa rekomandohet të konsumohet edhe kundër dhimbjeve të artritit. Për të zbutur këto dhimbje, lëngun e domates duhet ta pini çdo ditë.

AgroWeb.org ju këshillon se lëngu i domates duhet të jetë i freskët dhe jo i paketuar që zakonisht është i mbushur me substanca të dëmshme.