Gara për Gjykatën Kushtetuese: Pas ambasadores Yuri Kim, reagon edhe BE, ja kërkesa për presidentin Meta

Pas ambasadores Yuri Kim, edhe ambasadori i BE-së, Luigi Soreca ka reaguar për hedhjen e një hapi para për ndërtimin e Gjykatës Kushtetuese.

Përmes një postimi në Twitter, ai shkruan se tani është e rëndësishme që të vazhdohet në të njëjtën frymë për të përfunduar listat e anëtarëve të tjerë që do emërohen nga Presidenti.

“Ne e mirëpresim vendimin e sotëm nga KED për dërgimin e emrit kandidat për Gjykatën Kushtetuese që të miratohet nga Parlamenti. Tani është e rëndësishme të vazhdojmë në të njëjtën frymë dhe të përfundojmë listat për anëtarët e tjerë që do të emërohen nga Presidenti”, shkruan Soreca.