A do të kemi vjeshtë këtë shtator? Flet meteorologia Tanja Porja

Shtatori ka nisur me temperatura të larta, për të cilat meteorologët thonë se nuk janë temperatura normale për një muaj të tillë.

Në një intervistë, meteorologia e Meteoalb Tanja Porja tregoi se pyetja më e shpeshtë që po i drejtohet asaj dhe meteorologëve të tjerë gjatë këtyre ditëve është nëse do ketë vjeshtë këtë shtator, kur në fakt duket ende si muaji i nxehtë i gushtit. Ajo tregon se vjeshta do të shfaqet nga data 20 shtator e tutje ku temperaturat maksimale do bien në 25 gradë maksimumi.

A do shohim vjeshtë në këtë shtator?

Tanja Porja: Kjo është pyetja më e shpeshtë që marrim gjatë këtyre ditëve, nuk janë temperatura të shtatorit por do jenë prezente deri me datë 15 shtator. Nga data 20 e në vijim do shfaqet vjeshta, do bien temperaturat. Maksimumi 25-26 është temperature. Reshjet do i mungojnë shtatorit.