Afati i fundit për ‘Zgjedhoren’, Gjiknuri tregon ndryshimet që do të ndodhin deri në shtator

Sot është afati i fundit i Reformës Zgjedhore dhe pritet që Këshilli Politik t’i dorëzojë Kuvendit marrëveshjen e dakordësuar, për t’u shqyrtuar dhe miratuar në seancë plenare.

Përfaqësuesi i mazhorancës për “Zgjedhoren” Damian Gjiknuri tha se shtatori do e gjejë KQZ-në të riformatuar dhe me anëtarë të rinj

“Shtatori do e gjejë KQZ-në të riformatuar dhe me anëtarë të rinj. Menjëherë pasi ligji hyn në fuqi, brenda 30 ditësh fillojnë procedurat e zgjedhjes së anëtarëve të rinj të Komisionit Qendror të Zgjedhjeve. Synimi është që maksimumi në shtator këta individë duhet të jenë të zgjedhur”, – thotë Gjiknuri.