Lëkundje të lehta tërmeti në Shqipëri, ja ku ishte epiqendra

Lëkundje të lehta tërmeti janë regjistruar pak minuta më parë në afërsi të Bulqizës. Sipas të dhënave paraprake të EMSC-së, tërmeti ka qenë me magnitudë 2.8 sipas shkallës Rihter, me thellësi 8 km.

Epiqendra e lëkundjeve sizmike ka qenë 6 km në jug-lindje të Bulqizës dhe 40 km në lindje të Tiranës.Lëkundjet u regjistruan rreth orës 19:41, por për shkak të fuqisë së ulët goditëse thuajse nuk janë ndjerë aspak.

Kujtojmë këtu që në 26 nëntor të vitit të kaluar Shqipëria u godit nga një tërmet i fuqishëm me magnitudë 6.4.