Befason Bamir Topi: Ju tregoj se çfarë do ndodhë me opozitën nëse Rama u thotë pas një muaji se do ketë zgjedhje të parakohshme

Ish-Presidenti Bamir Topi e cilësoi si një lojë debatin politik mes shumicës dhe opozitës për reformën zgjedhore dhe çështjet e tjera.

“Shumica dhe opozita i kanë lënë jashtëzakonisht pak hapësirë Presidentit, ka ardhur duke u ngushtuar hapësira. Është shumë e rëndë të thuash se të gjithë po luajnë. Kjo është një lojë. Problemi është kush humb nga kjo lojë. Këto janë duke zhvilluar një lloj biznesi Win -Win dhe të gjithë janë të fituar në shumicë apo opozitë. Opozita është në konfuzion se eksperimenton, një herë në 2017 doli bosh dhe tani thotë zgjedhje të parakohshme.

Po nëse Rama u thotë pas një muaji, dakord shkojmë në zgjedhje të parakohshme, a janë gati? Kur? Si? Shpesh herë gjërat e thëna, e mbushin, kalon kohë dhe vjen 2021.Në vend që opozita të fillojë të strukturohet si duhet, të marrë cdo resurs, të shikojë hallet e këtij vendi” tha Topi në Report Tv.