Kryeministri Edi Rama në konferencën nga Këshilli i Atlantikut në SHBA ka folur edhe për ‘Mini-Shengenin’, të cilën e ka cilësuar si një marrëveshje për të zvogëluar kohën për transportimin e mallrave mes vendeve.
“Nuk mund të krijosh paqe me të njëjtat instrumente që ke luftuar për liri. Ajo që po përpiqemi të bëjmë dhe keni pasur edhe shumë bisedime me sekretarin dje sesi mund ta çojmë përpara mini-shengenin. Të çojmë përpara 4 projektet tona. Do të jap vetëm një shifër, është më shumë se 1 mijë vjet koha e lëvizjes së mallrave nëpërmjet shteteve. Kjo është një përgatitje për të qenë anëtar të mirë të BE. Nuk ka të bëjë me sjelljen e fqinjësisë së mirë. Nuk mund të mbetemi të izoluar brenda tregjeve tona të vogla, kjo nuk do të bëhet një minues për dialogun me Prishtinën dhe Beogradit. Unë kam thënë që në ditët e para që Serbia duhet të njoh Kosovën. Ndoshta mund të mos biem dakort, po nuk mund t’i kthejmë kurrizin askujt. Aktualisht kemi një konflikt në Ukrainë dhe kjo është shembull si mund flasim”, tha Rama.
Më tej, ai ka komentuar edhe zgjedhjen e Albin Kurtit si kryeministër të Kosovës dhe idenë për Shqipërinë e madhe.
“Poezia e opozitës nuk është njësoj me prozën e qeverisë. Çështja është mirë që ata kanë bërë qeveri të re, mezi po pres të punojë me ta. Ka qenë ëndrra ime dhe e gjithë shqiptarëve, kufiri. Kjo nuk ka qenë e mundur, pasi sapo ta përmendja në Bruksel, do më cilësonin të çmendur. Tani ka njerëz që thonë se duhet ti marrim leje serbëve për kufirin tonë. Çfarë është kjo? Unë binda presidentin e Serbisë që mos ta linim jashtë lëvizjen e njerëzve, jo të kalonin vetëm mallra. Kemi dy shtete, dhe do të bënte që shqiptarët të lëvizin të lirë me njëri-tjetrin. Tani mund të punojmë sëbashku. Ka edhe diçka tjetër nuk është BE e vogël që të gjithë duhet të bëjnë së bashku. Gjithësi mund të bëjnë pjesë, po jo Kosova duhet të bëhet me Serbinë, se bëhemi ne”, shtoi Rama.
Diskutime rreth kësaj post