Demokratët të zhgënjyer pas marrëveshjes me Ramën, Basha ndërmerr hapin e menjëhershëm

Lideri demokrat Lulzim Basha një ditë pas marrëveshjes me Partinë Socialiste për reformën zgjedhore, ka nisur takimet me drejtuesit demokratë.

Basha ka mbledhur sot në selinë e PD-së krerët e kësaj partie në rrethe. Kryedemokrati do të zhvillojë takim edhe me Kolegjin e Kryetarëve të PD-së si dhe ish-grupin parlamentar të PD-së.

Basha pritet të diskutojë detajet e marrëveshjes me maxhorancën me anëtarët e ish-grupit parlamentar në veçanti, ku ka patur edhe zëra kundër kësaj marrëveshje. Aksioni politik është pikë tjetër e rëndësishme e diskutimeve në mbledhje.