“Kjo rrezikon të bëhet analiste”, vogëlushet binjake nisin të qajnë sapo e shikojnë, kryeministri Rama i shkrin të gjithë së qeshuri me batutat

Gjatë vizitës tek kompleksi ‘Fafa’, ku takoi të prekurit nga tërmeti, kryeministri Rama nuk i kurseu as batutat për t’i dhënë më harmoni situatës. Në një moment, ai është ndalur tek dy vogëlushe binjake, të cilat ishin të shoqëruara nga nëna e tyre.

Njëra prej tyre nisi të qajë dhe Rama nuk ka kursyer batutat duke e etiketuar si ‘analiste’.

Ndërsa vajzën tjetër serioze dhe të trembur, kryeministri e ka cilësuar si prokurore të së ardhmes.

“Kjo rrezikon të bëhet analiste, ajo do bëhet prokurore”, u shpreh Rama duke shkaktuar të qeshura mes të pranishmëve.