Meta dekreton lirimin nga detyra të ambasadorit shqiptar në Turqi

Presidenti Ilir Meta ka firmosur ditën e sotme dekretin për lirimin nga detyra të dy amasadorë shqiptarë, në Turqi dhe në Azerbajxhan.

Gent Gazheli, u shkarkua nga detyra si ambasadori i Turiqsë, ndërsa lajmi për këtë vendim u publikua nga Faqen e Kuvendit të Shqipërisë.

Pas largimit të Gazhelit, Kuvendi ka emëruar në vend të tij, Kastriot Robon, cili është dekretuar nga presidenti Meta.

D E K R E T

PËR LIRIM AMBASADORI NGA DETYRA

Në mbështetje të nenit 92, shkronja “dh”, nenit 93 të Kushtetutës, si dhe të nenit 26, të ligjit nr. 23/2015 “Për shërbimin e jashtëm të Republikës së Shqipërisë”, me propozim të Kryeministrit,

D e k r e t o j:

Neni 1

Zoti Genti Gazheli, ambasador i Jashtëzakonshëm dhe Fuqiplotë i Republikës së Shqipërisë në Republikën e Turqisë, rezident, si dhe ambasador i Jashtëzakonshëm dhe Fuqiplotë i Republikës së Shqipërisë në Republikën e Azerbajxhanit, në Republikën e Kirgistanit, në Republikën Islamike të Pakistanit dhe në Republikën e Gjeorgjisë, jorezident, lirohet nga kjo detyrë.

Neni 2

Ky dekret hyn në fuqi menjëherë.

Nr. Dekretit 11356

Tiranë, më 19.11.2019

PRESIDENTI I REPUBLIKËS

ILIR META/ Opinion