Rudina Hajdari: Po flas me shpirt, jemi duke parë një teatër të shpifur

Rudina Hajdari ka mbajtur një fjalim akuzues ndaj klasës politike të vendit duke thënë se i kanë çuar shqiptarët në mjerim.

Sipas saj Shqipëria nuk ka marrë fund, por janë pikërisht këta politikanë, që sipas saj kanë marrë fund dhe janë të frikësuar në palcë.

“Njerëzit hapin sytë dhe i ngrenë nga Perëndia. Shqiptarët nuk dinë cilës derë t’i bien, ndërkohë që në Tiranë po zhvillohet një teatër i shëmtuar i njerëzve që po shijojnë dashurinë në kohën e kolerës. ǒfaj kanë njerëzit, rinia, biznesi? Kritika kryesore që iu bëj njerëzve është që të flasin me ndjesi dhe jo me fakte. Kësaj here do dal nga ky rregull dhe do flas me shpirt. Në kohë të jashtëzakonshme, është e udhës të bëjmë gjëra të jashtëzakonshme.

Shumë njerëz më thonë “mos, se ky vend ka marrë fund, Shqipëria nuk bëhet, mos se këta janë të rrezikshëm, kanë bërë marrëveshje”. Por, unë e ndjej se nuk jam vetëm, ky vend nuk ka marrë fund, këta njerëz kanë marrë fund. Këta nuk janë të rrezikshëm, por janë të frikësuar në palcë. Këta kanë bërë marrëveshje”, deklaroi Hajdari në Kuvend.