Basha: Maqedonia e Veriut në NATO një ngjarje e madhe, krenar për shqiptarët që e mbështetën

Kryetari i Partisë Demokratike, Lulzim Basha, ka përshëndetur nënshkrimin e protokollit të anëtarësimit në NATO të Maqedonisë së Veriut.

Në një mesazh, Basha shprehet se “anëtarësimi i Maqedonisë së Veriut në NATO është një ngjarje e madhe për rajonin tonë.

Zgjerimi i NATO-s në Ballkan është një kontribut përcaktues për sigurinë, paqen dhe vlerat e demokracisë.

Ndihem krenar që në këtë arritje të madhe faktori politik dhe vullneti i shqiptarëve në Maqedoninë e Veriut mbështetën dhe përcaktuan pa hezitim këtë arritje historike,” përfundon kreu i opozitës.