Tiranë – Shkon të blejë ilaçet, vdes brenda në farmaci

Një person ka humbur jetën në mënyrë të dhimbshme në Tiranë, teksa kishte hyrë në një farmaci për të blerë ilaçe.

Ngjarja e rëndë ndodhi këtë të diel, në rrugën “Kongresi i Manastirit”.

Brenda ambienteve të një farmacie ka vdekur 86-vjeçari F.A., banues në Tiranë.

Nga veprimet e kryera rezultoi se vdekja ka ardhur nga shkaqe natyrale, pas një infarkti kardiak.

Pavarësisht tentativës për ti ardhur në ndihmë nga ana e farmacistes, i moshuari ka ndërruar jetë.

Lidhur me këtë rast materialet iu referuan Prokurorisë së Tiranës, për vlerësim.