Kush është pronari i lokalit që u plagos sot në Tiranë, konflikti me Shullazin

Një konflikt me armë ndodhi paraditen e sotme në zonën e Selitës, ky dy persona mbetën të plagosur.

Njëri prej të plagosurve ditën e sotme në zonën e Selitës në kryeqytet, nuk është një emër i panjohur për policinë. Mësohet se 27-vjecari Gjon Pelivani është përfshirë edhe më herët në konflikte.

Në vitin 2015, ai ka patur një sherr me Emiljano Shullazin, dhe ka mbetur i plagosur nga Gilmando Dani.

Mësohet se Gjon Pelivani më parë ka mbajtur emrin Valment, dhe rezulton i dënuar për vjedhje.

Ngjarja:

Ndërkohë, autori i ngjarjes, sipas burimeve pranë policisë është identifikuar dhe ai është R.Musai. Ka qenë ky i fundit i cili ka qëlluar në drejtim të Renato Hoxhës (kamarier në lokal) dhe Gjon Pelivanit.

Dëshmitarë pranë vendit të ngjarjes kanë deklaruar se autori ka qenë i veshur me xhup të zi dhe kapele në kokë, teksa ka hapur zjarr në drejtim pronarit të Pelivanit dhe Hoxhës.

Renato Hoxha dyshohet se është plagosur rastësisht, pasi shënjestër e këtij atentati mësohet të jetë pronari i biznesit, Gjon Pelivani, i cili kishte hapur lokalin vetëm tre ditë më parë.

Policia ka shoqëruar disa qytetarë të cilët kanë qenë dëshmitarë pranë vendit të ngjarjes. E gjithë skena është filmuar nga kamerat e sigurisë dhe do jenë pamjet filmike ato që do hedhin dritë mbi këtë ngjarje.