10 helmet më vdekjeprurëse në botë

Helmi është materie kimike shumë toksike dhe e dëmshme për trupin e njeriut. Kur helmi futet në trup, ai dëmton organet e caktuara ose shkakton dhembje dhe sëmundje të ndryshme.

Helmi mund të futet në trup nëpërmjet gëlltitjes, inhalimit, apo absorbimit nëpërmjet lëkurës.

Ekzistojnë kura të ndryshme për helmet e ndryshme, por disa helme veprojnë aq shpejtë sa që vdekja vjen më shpejt se mjekimi i nevojshëm.

Në vijim ju sjellim 10 helmet më vdekjeprurëse në botë, të njohura për njerëzit.

Botulinum

Botulinumi konsiderohet si një prej helmeve më toksike në botë. Ai zakonisht përdoret në produktet kozmetike, kuptohet në sasi tepër të vogla, sepse një lugë çaji e këtij helmi mund të vrasë miliona njerëz. Në kozmetikë dhe mjekësi, ai njihet edhe me emrin botox.

Ricin

Ricini është një lloj i helmeve vdekjeprurëse që mund të gjendet në bimë, sidomos ato bishtajore. Ky lloj helmi mund të përdorët si armë e shkatërrimit në masë, ndërsa është fatal nëse përtypet apo gëlltitet.

Helmi i bretkosës shigjetë

Helmi i prodhuar nga bretkosa shigjetë, që jeton në pyjet tropikale, është shumë vddekjeprurës. Bretkosa e prodhon këtë lloj të helmit brenda trupit të saj, ndërsa ai godet sistemin nervor të njeriut me një të prekur të vetme.

Sarin

Sarini është gaz vdekjeprurës nervor që ishte krijuar në vititn 1983 si pesticid. Në vend të kësaj, ai ishte përdorur gjatë luftës mes Iranit dhe Irakut, si dhe në Japoni, në vitin 1995. Helmi është vdekjeprurës, ndërsa viktimat sapo të bien në kontakt më të përfundojnë në komë.

Tetrodotoxin

Tetrodotoksini (Tetrodotoxin) është lloj i helmit që bllokon nervat – sidomos qelizat nervore. Ky lloj i helmit gjendet në trupin e peshkut vdekjeprurës, peshkut puffer (që fryhet). Ai shkakton paralizën dhe vdekjen brenda gjashtë orëve pas gëlltitjes së tij.

Cyanide

Cianidi (Cyanide) është sigurisht një prej helmeve më të njohura në mbarë botën, ndërsa është përdorur në disa raste gjatë sulmeve terroriste. Nëse një person gëlltit cianidin, ai do të vdesë nga asfiksimi, brenda 20 sekondash.

VX

VX është substancë shumë toksike. Përdorimi i kësaj substance është ndaluar me Konventën e Armëve Kimike të vitit 1993 – respektivisht, vetëm 100 gramë të kësaj substance mund të gjendet në stoqe gjatë një viti.

Strychhine

Striknini (Strychhine) është helm toksik, pa ngjyrë dhe mjaft i hidhur. Ky lloj i helmit është zbuluar në farat e drurit “nux vomica” dhe në bimët e llojit “genus strychnos”. Ky lloj i helmit fillimisht godet muskujt e boshtit kurrizor.

Anthrax

Antraksi (Anthrax) është lloj i substancës helmuese që njihet fare mirë në botë. Ky lloj i helmit zakonisht futet në trup nëpërmjet inhalimit. E keqja e këtij helmi është se, simptomat e para duken sikur të një gripi të zakonshëm.

Amatoxin

Amatoksini (Amatoxin) gjendet në shumë ushqime që njerëzit i konsumojnë çdo ditë, si psh. në lloje të ndryshme të kërpudhave. Ky lloj i helmit godet mëlçinë, shkakton kolaps raspirator dhe përfundon me koma.